Шерзат Полат ісі бойынша сотталғандар жазасын қалай өтеп жатқаны белгілі болды

Мәжілістегі үкімет сағаты кулуарында Қылмыстық атқару жүйесі комитетінің төрағасы Абай Қайырбеков Шерзат Болаттың өліміне қатысты істе кінәлі деп танылғандар жазасын қалай өтеп жатқанын айтты,  еп хабарлайды Аikyn.kz.

"Олар 7-8 адамнан тұратын топ. Сот үкімі бойынша олар жазасын қауіпсіздігі орташа режимдегі мекемеде өтеп жатыр. Заңға сәйкес жазаларын жалпы режимде өтейді", - деді ІІМ Қылмыстық атқару жүйесі комитетінің төрағасы Абай Қайырбеков.

Комитет төрағасы сотталғандар сот белгілеген моральдық шығынды өтеу үшін жұмысқа әлі кіріспегенін айтты.

Айтуынша, олар жақында ғана келгендіктен әлі біліктілігі тексерілген жоқ. Осы анықталған соң оқытылып, жұмысқа орналастыру мәселесін шешіледі. 

Еске сала кетейік, 2024 жылы қазан айының басында Талғар қаласында ер адамдар арасында жанжал шығып, соңы төбелеске ұласқан. Жанжал салдарынан екі жігіт аудандық ауруханаға жеткізіліпді. Алған жарақатынан жансақтау бөлімінде Шерзат Полат қайтыс болды. 

Сотталушылар: Абзал Шынасыл 23 жылға; Равиль Сакиев 20 жылға; Азамат Тоқтаубаев 15 жылға; Нұрқияс Ілиясов 9 жылға; Шыңғыс Белғожаев, Дархан Әскентай, Нұрбол Тоқтаубаев, Дидар Қалиахмет — әрқайсысы 7 жылға; Д.Ы. 1 жыл 6 айға сотталды. Кәмелетке толмаған Д.Ы. шілде айында жазасын өтеуіне байланысты қамаудан босатылды. Қалған 8 сотталушы сот үкімімен келіспей апелляциялық шағым түсірген еді. Бірақ сот алғашқы үкімді өзгеріссіз қалдырды.