СҚО ға Сібір антициклоны келе жатыр

«Қазгидромет» кәсіпорнының облыстық филиалы ескерту жариялады. Синоптиктердің айтуынша, қаңтар айының екінші жартысында облыс аумағына Сібір антициклоны әсер етеді. Осыған байланысты 14 қаңтардан бастап түнгі уақытта ауа температурасы -30,.-35 градусқа дейін төмендейді, облыстың оңтүстік-шығысында -38 градус аязға дейін жетеді.

Күндіз сынап бағанасы -20,…-25 градус аязды көрсетсе, ал оңтүстік-шығыста -28 градусқа дейін төмендемек.

Аязды ауа райына қарамастан, антициклонның жылдам жылжуы салдарынан солтүстік-шығыс бағытта жел күшейіп, жылдамдығы 15-20 м/с, облыстың шығысында екпіні 28 м/с-қа дейін жетеді.

18 қаңтарда аяздың беті қайтып, түнде -18…-23 градус, күндіз -14…-19 градус аяз болады.

22 қаңтардан бастап антициклон ықпалынан қайта аяз күшейіп, түнгі ауа температурасы -30…-35 градусқа дейін төмендейді.

Айдың екінші жартысында ауа райы негізінен жауын-шашынсыз болмақ.

Бұған дейін бүгін елдің барлық аумағында ауа райына байланысты ескерту жарияланғанын жазған едік.