Субсидияланатын жұмыс орындарына қойылған талаптар уақытша тоқтатылды

Үкімет субсидияланатын жұмыс орындарына қатысты енгізілген жаңа талаптардың қолданылуын 2026 жылғы 1 сәуірге дейін уақытша тоқтатты.
Бұл туралы Премьер-министрдің орынбасары Аида Балаева мәлімдеді.

Қазақстан Республикасының Ұлттық статистика бюросы дерегіне сәйкес, 2025 жылдың IV тоқсанында ауылдық жерлерде 3,6 млн адам жұмыспен қамтылған, ал ресми жұмыссыздар саны 162,3 мың адамды құраған.

Бұған дейін Қазақстан Республикасының Еңбек және халықты әлеуметтік қорғау министрлігі бюджет қаржысын тиімсіз пайдалануды болдырмау үшін талаптарды күшейткен еді. Алайда бұл өзгерістер қоғамда түсініспеушілік тудырған.

Қазір субсидияланатын жұмыс орындары бұрынғы жеңілдетілген шарттармен ұйымдастырылып жатыр. Биыл мұндай жұмыс орындарына 102 мың адамды тарту жоспарланған.