Таяу Шығыстағы жағдай: АҚШ және бірқатар ел азаматтарын эвакуациялауға шақырды

27 ақпанда АҚШ Мемлекеттік департаменті Израильдегі дипломатиялық миссиясының кейбір персоналы мен олардың отбасы мүшелерінің кетуіне рұқсат берді. Бұл туралы Израильдегі АҚШ елшілігі ресми хабарламасында мәлімдеді.

Бұл шешім «қауіпсіздік қаупіне байланысты» қабылданып, authorized departure режимінде жүзеге асады — бұл режим өмірге немесе ұлттық мүдделерге қауіп туындаған жағдайда үкімет есебінен эвакуацияны қамтамасыз етеді.

On February 27, 2026, the Department of State authorized the departure of non-emergency U.S. government personnel and family members of U.S. government personnel from Mission Israel due to safety risks.
In response to security incidents and without advance notice, the U.S.… pic.twitter.com/aWzX6Gk36x

— U.S. Embassy Jerusalem (@usembassyjlm) February 27, 2026

Израильдегі АҚШ елшісі Майк Хаккаби миссия қызметкерлеріне елден кетуді «бүгін» жасауға кеңес берді.

The New York Times хабарлағандай, электрондық хат жұма күні таңертең жіберілген және бірнеше дереккөз арқылы расталған.

— Дүрбелеңге салынудың қажеті жоқ, бірақ кетуді қалайтындарға жолға шығуды мүмкіндігінше тез жоспарлау маңызды, — делінген хабарламада.

Елшілік әуе билеттеріне сұраныстың жоғары болу мүмкін екенін ескертіп, Бен-Гурион атындағы әуежайдан кез келген қолжетімді бағытқа рейстерді алдын ала брондауды, кейіннен АҚШ арқылы транзит жасауға кеңес берді. Сонымен қатар, сапарлар жөніндегі ескерту жаңартылып, терроризм мен азаматтық тәртіпсіздік қаупіне байланысты американдық азаматтарға Израиль мен Батыс жағалауына сапарларын қайта қарауға кеңес берілді.

Ұқсас шаралар өңірдің басқа елдерінде де қабылданды. Бұған дейін Ливандағы АҚШ елшілігі кейбір персонал мен олардың отбасы мүшелерінің елден кетуін тапсырған. Аустралия Израиль мен Ливандағы дипломаттар отбасы мүшелерін елден шығуға шақырып, сондай-ақ БАӘ, Қатар және Иорданиядағы қызметкерлер отбасылары үшін ерікті кетуді ұсынды.

Канада азаматтарына Ираннан «мүмкіндігінше тезірек» кетуге кеңес беріп, алдын ала хабарламасыз қақтығыстың қайта басталу қаупі бар екені ескертілді.

Польша, Швеция, Үндістан және басқа да елдер сақталып отырған шиеленіске байланысты өз азаматтарына Ираннан кетуге кеңес берді.

Бейсенбіде Қытай Сыртқы істер министрлігі және Ирандағы Қытай елшілігі азаматтарына Иранға барудан бас тартуға және мүмкіндік болса елден кетуге кеңес берді, деп хабарлайды Xinhua.

The Chinese Foreign Ministry and the Chinese Embassy in Iran on Friday advised Chinese citizens to avoid traveling to #Iran. pic.twitter.com/zJw8cCWeGx

— CGTN (@CGTNOfficial) February 27, 2026

Эвакуацияға шақырулар АҚШ пен Иран арасындағы шиеленістің күрт өсуіне байланысты жасалды. Женевадағы Иранның ядролық бағдарламасы жөніндегі келіссөздер бейсенбіде еш нәтижесіз аяқталды.

Иран билігі мен Омандағы делдал тараптар келесі аптада келіссөздерді жалғастыратынын, соғыстың алдын алуға тырысатынын хабарлады.

Алайда американдық делегаттар Стив Уиткофф пен Джаред Кушнер келіссөздердің қазіргі мәртебесі туралы ешқандай жария мәлімдеме жасамады, ал Ақ үй кездесу нәтижелері бойынша түсініктеме беруден бас тартты.

Вашингтон түрлі ықтимал сценарийлерді қарастырып жатыр, оның ішінде әскери нұсқаны да жоққа шығармайды. АҚШ Таяу Шығыстағы күштерін басқарған адмирал Брэд Купер бейсенбіде Дональд Трампқа Иранға қарсы әскери әрекет нұсқалары туралы хабарлады, деп жазады ABC News дереккөзіне сілтеме жасап.

Телеарнаның екінші дереккөзі брифингке генерал Дэн Кейн де қатысқанын хабарлады. Ол Құрлықаралық штабтар біріктірілген комитетінің төрағасы ретінде президенттің негізгі әскери кеңесшісі саналады.

Бұған дейін америкалық бұқаралық ақпарат құралдары АҚШ президенті Дональд Трамп қарастырып отырған нұсқалардың бірі — Иранның әскери және ядролық нысандарына бастапқы дәл соққылар жасау екенін хабарлаған. Мұндай қадам Тегеранды келісім аясында қосымша жеңілдіктер жасауға мәжбүрлеу мақсатында көзделуі мүмкін.

Осыдан бұрын Иранмен қарым-қатынас шиеленісіп кеткендіктен АҚШ Таяу Шығыстағы өзінің Орталық қолбасшылығының (CENTCOM) жауапкершілік аймағындағы әуе күштерін едәуір күшейтіп, өңірге 300-ден астам әскери ұшағын орналастырғаны белгілі болды.