The Lancet: парацетамол аутизм тудырмайды

Жүктілік кезінде парацетамол қабылдау балада аутизм ауруын тудырмайды. Ғалымдар осындай қорытынды шығарды. 

Зерттеу нәтижесі беделді халықаралық «Ланцет» медициналық басылымында жарияланды. Мамандар жүздеген мың жүкті әйел мен баланы бақылаған. Десе де оның ешқандай кері әсерін байқамаған. Бұл дәріге қатысты дау былтыр қыркүйек айында президент Дональд Трамптың мәлімдемесінен кейін шыққан. Ол кезде АҚШ басшысы парацетамол жүктілік кезінде баланың бойында аутизм тудырады деп, одан аулақ болуға шақырған еді.