Тоқаевтың Ресейге мемлекеттік сапарына дайындық қызу жүріп жатыр Лавров
Qazaq24.com, Sputnik.KZ дереккөзінен алынған мәліметтерге сүйене отырып жаңалық жариялады..
АСТАНА, 22 қазан — Sputnik. Мәскеуде Қазақстан мен Ресей сыртқы істер министрлері Ермек Көшербаев пен Сергей Лавров келіссөздер жүргізді.
Лавров қазақстандық әріптесімен кездесуінде Тоқаевтың Ресейге 12 қарашада болатын мемлекеттік сапарына дайындық қызу жүріп жатқанын хабарлады.
"Біздің көшбасшыларымыз ресми және бейресми түрде тұрақты байланыста... Қазақстан президенті Қасым-Жомарт Тоқаевтың Ресей Федерациясына мемлекеттік сапарына дайындық қызу жүріп жатыр", - деді ресейлік сыртқы істер министрі.
Ермек Көшербаев Қазақстанның сыртқы істер министрі болып тағайындалғалы бері Ресейге алғашқы ресми сапарына ерекше мән беретінін айтты.
"Бұл сапар ерекше маңызды, өйткені бұл мен тағайындалғаннан кейінгі алғашқы ресми сапар болады. Мәскеуде Қазақстанның елшісі қызметін атқарған уақытымда қалыптасқан жеке өзара қарым-қатынасты жаңарту мүмкіндігін екі есе бағалаймын", - деді Көшербаев.
Бұған дейін Көшербаев Мәскеудегі Белгісіз солдат бейітіне гүл шоқтарын қойған болатын. Сондай-ақ бүгін Ресей президентінің көмекшісі Юрий Ушаковпен кездесуі жоспарланған.


