Төрт адамды өлтірді деп айыпталған Сұлтан Сәрсемәлиевке үкім шықты

Фото: Ақ Жайық

Бірнеше айға созылған сот процесі барысында ондаған сот отырысы өтті. Осы уақыт ішінде айыпталушының соттағы мінез-құлқы көпшіліктің назарын аударды. Ол өзін сабырлы ұстап, кей сәттерде жымиып, тіпті күліп отырған. Эмоциясын іс жүзінде білдірмеген. Тек әкесі сот залына келген кезде ғана көзіне жас алды.

Сот барысында Сәрсемәлиев Наурыз Мұқанғалиевті қасақана өлтірді деген айыппен келіспейтінін мәлімдеді. Оның айтуынша, екеуінің арасында жанжал туындап, кейін ол өзін қорғау мақсатында әрекет еткен. Алайда сот бұл уәжді негізсіз деп таныды.

Сонымен бірге айыпталушы жауап беру кезінде қаза тапқандарды «кінәсіз адамдар» деп есептемейтінін айтып, болған оқиғаны бұрынғы жұбайының туыстарымен арада ұзақ уақытқа созылған жанжалмен байланыстырды.

Атыраудағы қанды қылмыс: Сұлтан Сәрсемәлиевке жаңа айыптар тағылды

Іс материалдарына сәйкес, Наурыз Мұқанғалиевті өлтіргеннен кейін Сәрсемәлиев қылмыстың ізін жасыруды көздеген. Өз сөзінде ол алғашқы кісі өлтіруді жасыру үшін Наурыздың ата-анасын да өлтіргенін айтқан. Ал соңғы құрбан Мейрамгүл болған. Ол ата-анасы мен ағасын іздеп, олардың қайда кеткенін сұрай бастаған.

Тергеу мәліметінше, қылмыстардан кейін Сәрсемәлиев марқұмдардың мүлкін иемденген. Ол отбасына тиесілі малды сатып, олардың банк карталарынан ақша шешіп алған. Сондай-ақ қайтыс болған адамдардың атына жалпы сомасы шамамен 4 миллион теңге болатын несие рәсімдеп, олардың атынан зейнетақы төлемдерін де алған.

Атыраудағы қылмыс: Сәрсемәлиев неге Индонезияға қашқанын айтты

Қылмыс жасағаннан кейін Сәрсемәлиев бұрынғы жұбайымен бірге Қазақстаннан кетіп, Индонезияға барған. Біраз уақыттан кейін олар ұсталып, Қазақстанға экстрадицияланды.

Айыпталушы шетелге қашуды емес, «Құдайдан кешірім сұрау» үшін барғанын айтқан. Алайда тергеу оның елден кетуін қылмыстық жауапкершіліктен жалтару әрекеті ретінде бағалады.

Сот үкімі әзірге заңды күшіне енген жоқ.

«Құдайдан кешірім сұрағым келді»: Сәрсемәлиев сотта күтпеген мәлімдеме жасады