Трамп 17 шілдеде халыққа үндеу жасайтынын хабарлады

АҚШ президенті Дональд Трамп 17 шілдеде халыққа үндеу жариялайтынын хабарлады. Бұл туралы ол Truth Social әлеуметтік желісінде жазды. Трамп мәлімдеменің тақырыбын атамады, деп хабарлайды Tengrinews.kz.

Америка көшбасшысының мәлімдемесі Иранмен қақтығыстың күрт шиеленісуі аясында жасалды.

"Президент Трамп бейсенбі күні кешкі сағат 21:00-де шығыс уақытымен халыққа үндеу жариялайды. Осы мәселеге назар аударғандарыңыз үшін рақмет!" - деп жазды ол Truth Social желісінде.

Трамп үндеудің тақырыбын ашпады, алайда бұл мәлімдеме ол АҚШ-тың Иранға қарсы әскери-теңіз блокадасын қайта бастайтыны және Вашингтонның Ормуз бұғазы арқылы транзитпен өтетін кемелер үшін 20 пайыздық баж салығын енгізетіні туралы хабарлағаннан кейін бірнеше сағат өткен соң жасалды.

Трамп соңғы рет халыққа телеүндеуін 1 сәуірде жасаған болатын, сол кезде ол Америка-Израиль әскери науқаны басталғаннан кейін бір айдан астам уақыт өткен соң Иранмен соғысты алғаш рет көпшілік алдында негіздеді.

Google News арқылы жаңалықтарымызды қадағалаңыз