Түркияда фуд инфлюенсерлерге салықтық бақылау күшейтіледі

Түркияда мейрамханалар мен тамақ өнімдеріне шолу жасайтын блогерлер күтпеген «салықтық тосын сыйға» тап болды. Инфлюенстерге арналған білім беру бағдарламасының аясында билік жарнамаға айырбас ретінде алынған кез келгені – ақша, сыйлықтар немесе тегін тамақ болсын – табыс болып саналатынын және оған салық салынатынын түсіндірді.

Ыстанбұлда «жауапты инфлюенстерді 4-ші оқыту» бағдарламасы Сауда министрлігі, Қазынашылық және қаржы министрлігі, сондай-ақ жарнама ұйымдарының қатысуымен өтті. Қатысушылар жарнама саласындағы заңды міндеттемелер, жеке деректерді қорғау, зияткерлік меншік және салық заңнамасы туралы егжей-тегжейлі ақпарат алды.

15% – автоматты түрде

Жаңа түсіндірмелерге сәйкес, агенттіктер мен жарнама берушілер жарнама және демеушілік үшін инфлюенсерлерге төленген жалпы сомадан 15% табыс салығын ұстап қалуға міндетті. Бұл қаражат тиісті салық мәртебесі бар блогердің арнайы банк шотына аударылуы тиіс.

Егер мейрамхана блогерді жазба үшін «тегін» кешкі асқа шақырса, сол кешкі ас құны да табыс саналады. Мекеме соманы инфлюенсердің банк шотына аударуға, төлемді мәлімдеуге және салықты ұстап қалуға міндетті.

Тегін сыйлық енді жоқ

Салық брендтерден PR-жөнелтілімдер, дәмсараптар және ақшалай емес өтемақы басқа да кез келген түріне де салынады. Жалпы табыс белгіленген салықтан босату шегінен асып кетсе, блогер белгіленген тәртіппен қосымша салық төлеуге міндетті. Кездесуде сандық ортада заңсыз құмар ойындарды насихаттағаны үшін жауапкершілікке ерекше назар аударылды. Билік әлеуметтік желілерді заңсыз мқлшерлемелерді жарнамалау үшін пайдалану ауыр құқықтық салдарға әкелуі мүмкін екенін атап өтті.

Осылайша, түрік билігі инфлюенсер экономикасындағы «сұр» табыс дәуірі аяқталып келе жатқанын, ал цифрлық танымалдылық қазір дәстүрлі бизнес сияқты қаржылық тәртіпті талап ететінін анық білдіртіп отыр.