Уәде етілген жұмыс тұзаққа айналды: 18 жастағы қазақстандық бойжеткен зорланғанын мәлімдеді

Tengrinews.KZ парақшасынан алынған ақпаратқа сәйкес, Qazaq24.com хабарлайды..

Шымкентте әлеуметтік желі арқылы жұмыс іздемек болған 18 жастағы студент зорлық-зомбылықтың құрбаны болды. Уәде етілген табыс интим қызмет көрсетуге мәжбүрлеумен аяқталған, - деп хабарлайды Tengrinews.kz тілшісі Almaty.tv.

Жәбірленушінің айтуынша, қала тұрғындарының бірі оған қатысты зорлық-зомбылық әрекет жасаған. Бұл ретте бойжеткеннің туыстары күдікті де, ұйымдастырушылар да осы уақытқа дейін жауапқа тартылмағанын алға тарттып отыр.

Аты-жөнін жасыруды өтінген жәбірленуші оқиғаның былтыр жазда болғанын айтып берді. Ол әлеуметтік желідегі жұмыс туралы хабарландыруға жауап беріп, көрсетілетін ғимаратқа барған. Кейін онда "боди-массаж" қызметі көрсетілетіні белгілі болған. Ал қыз ол жерден шыға алмай қалған, оны күштеп ұстаған.

"Мені ішке күштеп кіргізді. Сыртқа шықпақ болғанымда, есіктің алдында күзетшілер тұрды. Жылап, айқайлағаныма қарамастан, бір жігіт жібермей ұстап тұрды. Сосын маған ешкім тиіспейді, тек массаж жасасаң болды деп уәде берген соң келістім. Басынан-ақ бас тартуым керек еді", - дейді жәбірленуші.

Оның арыз-шағымына қарамастан, ғимарат монша ретінде жұмысын жалғастырып жатыр. Қыздың ата-анасы құзырлы органдардың осы уақытқа дейін ешқандай шара қолданбағанына наразы. Олар өз өміріне қауіп төне ме деп қорыққандықтан, журналистермен кездесуге бастарын орап келген.

"Бұл қашан бітеді? Егер ертең қызымды шетелге күштеп әкетсе немесе өлтіріп кетсе, мен не істеймін? Егер істі тоқтатпасаңдар, көздеріңді жоямыз деп бірнеше рет қоқан-лоқы көрсетті", - деп түсіндірді жәбірленушінің анасы.

Жәбірленушінің отбасы тек зорлық-зомбылық жасаған ер адамды емес, қызды алдап шақырған ұйымдастырушыларды да жауапқа тартуды талап етті. Сондай-ақ, туыстары істі сотқа өткізуді тездетуді сұрайды, делінген сюжетте.

Бұл ретте Шымкент Полиция департаменті зорлау дерегі бойынша қылмыстық іс қозғалғанын хабарлады.

"Күдікті тұлға ұсталып, полицияға жеткізілді", - деп түсіндірді баспасөз қызметі.

Қазіргі уақытта істің мән-жайын анықтауға бағытталған кешенді тергеу шаралары жүргізіліп жатыр, деп толықтырды ведомство.

Талғардағы зорлау, кісі өлтіру және адам ұрлау: прокурор басты күдіктіге өмір бойына бас бостандығынан айыру жазасын сұрады

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.