ҰБТ 2026: 233 мың үміткердің 76% і шекті балл жинады

АСТАНА, 13 шілде – Sputnik. Бірыңғай ұлттық тестілеуден (ҰБТ) 233 мың үміткер өтті.

Білім министрлігінің мәліметінше, олардың шамамен 73,1%-ы қазақ тілінде, 26,8%-ы орыс тілінде және 383 адам ағылшын тілінде тест тапсырды.

Үміткерлерге ҰБТ-ны екі рет тапсыруға рұқсат етілді: нәтижесінде 233 000 үміткер тестілеуді барлығы 422 000 рет тапсырған.

"Тестілеу қорытындысы бойынша 177 мыңға жуық талапкер шекті балл жинады, бұл қатысушылардың жалпы санының 76%-ын құрайды. Бес пән бойынша ҰБТ-ның орташа балы 69 балды құрады. Ең жоғары 140 балды Павлодар облысының түлегі Әсет Альтаир және Қызылорда облысының түлегі Балхан Альфия (ҚАЗТЕСТ конвертациясы арқылы) жинады. 821 адам 130 балдан жоғары нәтижеге қол жеткізді", - дейді министрлік.

Ерекше білім беру қажеттіліктері бар оқуға түсушілер үшін қолайлы жағдай жасаудың арқасында ҰБТ-ға 800 талапкер қатысқан.

Биыл апелляцияға 95 мыңнан астам өтініш қабылданып, олардың ішінде 152 бірегей тест тапсырмасына қатысты өтініштер қанағаттандырылған.

"ҰБТ өткізу барысында 890 ереже бұзушылық анықталды. Оның ішінде 522 талапкер смартфон, шпаргалка және басқа да тыйым салынған заттарды алып өту әрекеті салдарынан тест тапсыру мүмкіндігінен айырылды. Тестілеу кезінде ережелерді бұзғаны үшін аудиториядан 361 адам шығарылып, олардың нәтижелері жойылды. Кейбір тестіленушілерден смарт-сағаттар, микроқұлаққаптар, смартфондар және басқа да тыйым салынған заттар табылды", - делінген хабарламада.

Министрліктің айтуынша, бейнежазбаларды тексеруден соң ереже бұзған 7 адамның нәтижесі жойылған.