Үйді сақтындыру міндеттелуі мүмкін

Келер жылдан бастап тұрғын үйді міндетті сақтандыруы үшін төлем төлеуіңіз мүмкін. Бұл алда-жалда жер сілкінісі, су тасқыны немесе орман өрті секілді түрлі табиғи апат болған жағдайда бүлінген баспанаңызды қалпына келтіру үшін қажет.

Үкіметтің бұндай бастаманы көтеруіне соңғы жылдары елдегі тілсіз жаулардың күрт көбейгені себеп. Әзірге тұрғын үйді сақтандыру тетігі ерікті түрде жүзеге асады. Содан болса керек, көрсеткіш тым төмен. Республика бойынша үйлердің бар болғаны 3%-і ғана сақтаныдырылған екен. Өзге қалалармен салыстырғанда Алматының статистикасы сәл жоғары. 8%-ке жуықтайды. Елде баспаналарды сақтандырумен айналысатын ресми рұқсаты бар әзірге 15 компания тіркелген. Оларға жыл басынан бері 1,2 трлн теңге жиналыпты. Ал баспанасын сақтандырған жұрттың қарасы қыркүйекте ерекше көбейген. Бір айда жиналған қаржы 118 млрд теңге. Сарапшылар мұны халықтың қауіпсіздікке деген сұранысы артып келе жатқанымен түсіндіреді. Сақтандыру құны болжам бойынша 1 мың мен 20 мың теңге аралуығында болуы мүмкін.