Украина Ресей зымырандарын атып түсіретін жаңа қару алады Зеленский

Украина жақын уақытта Ресейдің баллистикалық зымырандарын атып түсіруге қабілетті SAMP/T әуе қорғаныс жүйелерін алуы мүмкін. Бұл туралы Украина президенті Владимир Зеленский журналистермен кездесуде мәлімдеді.

Зеленскийдің айтуынша, Таяу Шығыстағы соғыс Украинаға арналған әуе қорғаныс зымырандарының жеткізілуіне әсер етуі мүмкін. Оның сөзінше, АҚШ-та қанша зымыран бар екені нақты белгісіз, ал оларды басқа аймақтарға беру мәселесі Вашингтонның шешіміне байланысты.

Сонымен қатар Зеленский Франция президенті Эммануэль Макронмен өткен кездесуде әуе қорғаныс жүйелері туралы арнайы талқылау болғанын айтты. Оның пікірінше, қазіргі уақытта SAMP/T жүйесі Еуропада баллистикалық зымырандарға қарсы жалғыз балама саналады.

Украина биыл осы жүйені алып, оны баллистикалық зымырандарға қарсы қолдануды сынақтан өткізуді жоспарлап отыр. Егер жүйе тиімді екенін дәлелдесе, бұл Украина үшін ұзақмерзімді қорғаныс шешімдерінің бірі болуы мүмкін.