Жалдамалы пәтерде зорлаған: Анасы 15 жастағы туған қызын ересек адамға тұрмысқа берген

Қарағанды ​​облыстық қылмыстық істер жөніндегі соты 15 жастағы қызды зорлау бойынша үкім шығарды, деп хабарлайды Аikyn.kz. 

Соттың баспасөз қызметі хабарлағандай, ақпан айында Абай қаласында болған. Кәмелетке толмаған жәбірленушінің анасы мен өгей әкесі оған 38 жастағы сотталушымен некеге тұруды ұсынған. Артынан қыз жасын білген соң ұсыныстан бас тартқан.

"Оның бас тартқанына қарамастан, 2025 жылғы наурызда өгей әкесі сотталушы екеуін Қарағанды ​​қаласына жіберген. Сөйтіп олар жалдамалы пәтерде тұрған. Сотталушы жәбірленушінің жасын біле тұра, оны сонда зорлаған, - деп хабарлады соттың баспасөз қызметі.

Сот күдіктіні 17 жылға бас бостандығынан айырып және өмір бойына педагогикалық немесе кәмелетке толмағандармен жұмыс істеуге байланысты лауазымдарды атқаруға тыйым салды.

Сондай-ақ сот анасы мен өгей әкесінің әрекетінде қылмыс құрамы бар-жоғын тексеру үшін прокурорға жеке ұйғарым шығарды. Сот шешімдері заңды күшіне енген жоқ.

Айта кетейік, анасының 5 жастағы қызды жай ғана айыпталушымен таныстырып қоймай, оны соған тұрмысқа бергені – қоғамда үлкен резонанс тудырды. Ақырында қыз өз әкесінің үйіне қашып барған. Ал әкесі полицияға шағым түсірді.