15 жастағы қызды 38 жастағы ер адамға берген: Неке қиюға мәжбүрлеу жаңа заңмен алғашқы істер қаралды

 Қазақстанда кәмелетке толмағандарға неке қиюға мәжбүрлеу үшін алғаш рет іс қозғалды. Енді мұндай қылмыс жәбірленуші кешірім бергеннің өзінде де тоқтатылмайды.

 Шымкент пен Қызылорда облысында жаңа енгізілген Қылмыстық кодекстің 125-1-бабы – «Неке қиюға мәжбүрлеу» бойынша алғашқы істер тіркелді. «Екі жағдайда да жәбірленушілер – кәмелетке толмағандар», – деп мәлімдеді Бас прокуратура.

Жаңа заңға сәйкес, мұндай әрекет үшін 2000 айлық есептік көрсеткішке дейін айыппұл (шамамен 7,86 млн теңге), түзеу жұмыстары, бостандығын шектеу немесе екі жылға дейін бас бостандығынан айыру жазасы қарастырылған. Егер ауыр салдар болса, мерзім 10 жылға дейін ұзаруы мүмкін. Осыған ұқсас оқиға жақында Қарағандыда болған. Онда 15 жастағы қызды 38 жастағы ер адамға тұрмысқа берген. Қыздың туған әкесінің айтуынша, әкесі өгей қызын танысына «шариғат бойынша» күйеуге берген.

Сонымен қатар, елімізде ҚК-нің 115-1-бабы — «Сталкинг» (жүйелі қудалау) да күшіне енді. Бұл бап зорлық белгілері болмаса да, адамның еркін бұзатын жүйелі бақылау мен мазалауға жауапкершілік жүктейді.