Жалғыздық Құдайға ғана жарасқан: Мөлдір Әуелбекованың анасы оның тұрмысқа шыққанын қалайды

Танымал әнші Мөлдір Әуелбекова ата-анасымен бірге Ләйлә Сұлтанқызының подкастында сұхбат беріп, оның әке-шешесі қызының болашағына алаңдайтынын жеткізді, - деп хабарлайды Aikyn.kz

Олардың айтуынша, бұл мәселені әрдайым қозғап отырады. 

"Өзім жолдасымсыз өмірімді елестете алмаймын. Бірге қартайып, бірге жасайық деп тілеймін. Қандай жағдай болмасын жаныңда сая болып отыратын ол сенің жан жолдасың. Сондай адам кездессе ойлан деп ақылымызды айтып қоямыз. Бірақ аузы күйген үрлеп ішеді дегендей, ертеңгі күні қалай болатынын болжай алмаймыз. Мен қызыма әрдайым айтамын, жалғыздық тек Құдайға ғана жарасады. Қазір екі қанатың болып біз жүргесін онша білінбейді. Біз кеткесін бәрі өзгереді деп. Болашақта қызың, ұлың бар дегендей. Ойлану керек", - деді Мөлдір Әуелбекованың анасы.