Жарық күн телехикаясы экранға шығады

Бүгін «Хабар» телеарнасынан жаңа драмалық «Жарық күн» телехикаясы көрерменге жол тартады. Күнделікті өмірде айналамызда жүрген қарапайым еңбек адамдарына назар аудармаймыз. Олардың еңбегі қоғам үшін маңызды болса да, елене бермейді. Солардың бірі - көше сыпырушылар. «Хабар» телеарнасының тапсырысымен түсірілген «Жарық күн» телехикаясы қарапайым тазалықшыларды дәріптейді. 

Сериалда адалдық, адамгершілік пен махаббат оқиғалары өрбиді. Жобада тәжірибелі топ жұмыс істеді. Ауқымды кастинг өткізіліп, қырықтан астам актер таңдалды. Олардың қатарында Қазақстанның театр және кино саласының танымал тұлғалары бар. Үлкен қаладағы қарапайым адамдардың еңбегі мен өмір күресін бейнелейтін «Жарық күн» телехикаясының алғашқы бөлімі бүгін "ХАБАР" арнасында сағат 21:45-те көрсетіледі. 

Болат Әбділманов, актер, Қазақстанның халық әртісі:

- Қазіргі мына қатігез заманда, өмірдің бәрі дүниемен өлшенетін заманда махаббаттың бар екені, адамгершіліктің бар екені, әкені сыйлау, ананы сыйлау ауылдан шыққан бала мен қаладан шыққан қыздың ортасындағы махаббатқа сол екі нәрсенің кедергі бола тұрып соны жеңе білуі, махабаттың жеңе білуі. Сол жолда құрбандық та болады.