Жезқазғанда күзгі көгалдандыру жұмысы жүріп жатыр

Жезқазғанда еріктілер және оқушылар «Наурыз» саябағы мен Алашахан даңғылы бойына  жүзден астам терек пен қараағаш екті.  

Ағаштың бұл түрлері Жезқазғанның климатына төзімді, тез өсіп кетеді дейді мамандар. «Таза Қазақстан» акциясы аясындағы күзгі көгалдандыру  айдың соңына дейін жалғасады. Ұйымдастырушылардың айтуынша, жастар ағаш егу және тазалық жұмыстарына белсенді қатысады. Жыл басынан бері өңірдегі саябақтар мен көпшілік демалыс орындарына 14 мың ағаш егілді. 

Асылай Сағынбек, оқушы:

- Біздің мақсатымыз – туған жеріміздің экологиялық жағдайын жақсарту, табиғатымызды аялау және келер ұрпаққа жасыл мұра қалдыру.  

Сәкен Қайратұлы, жастар ресурстық орталығының директоры: 

- Биылғы жылы біздің Алашахан даңғылы жаңғыртылды, жаңартылды. Соның бойына алдыңғы аптадан бастап көшеттерді отырғызу жүргізіліп жатыр. Алдағы уақытта «Таза Қазақстан» акциясы аясында бірнеше жобаны жүзеге асырамыз. Ол суару болсын, ол сенбілік болсын, түрлі акциялар болсын. Бұл экомәдениетке баулу.