Жұқпалы аурулар ауруханалары 80 процентке толды

АСТАНА, 19 қараша – Sputnik. Денсаулық сақтау министрі Ақмарал Әлназарова ауруханаға ЖРВИ және тұмаумен түсетін науқастардың көбейгенін мәлімдеді, деп хабарлайды Sputnik Қазақстан тілшісі.

Бүгінгі күні ЖРВИ және тұмау диагнозы қойылған пациенттердің басым бөлігі үйде емделіп жүр. Соған қарамастан, ауруханаларда төсек орындарының 80 пайызы бос емес.

"2025 жылғы 18 қарашадағы жағдай бойынша 8 239 пациент (ересектер – 1430, балалар – 6809) ауруханаға жатқызылды, төсек қорының жүктемесі 76%-ды құрайды", - деді Әлназарова үкіметтің бүгінгі отырысында.

Оның айтуынша, инфекциялық стационарларда және мамандандырылған ауруханалардың инфекциялық бөлімшелерінде қосымша 1987 резервтік төсек-орын жасақталды.

"Соңғы бір аптаның ішінде ЖРВИ-дің 183 074 жағдайы тіркелді. 2024-2025 жылдардағы эпидемиялық маусымның осыған ұқсас аптасымен салыстырғанда сырқаттанушылық 16 процентке артты артты", - деп атап өтті министр.