15% жеңілдікпен: Атырауда отандық өндірушілерді қолдау акциясы өтіп жатыр

Атырау қаласында қазақстандық азық-түлік өнімдерінің бағасын тұрақтандыруға бағытталған «Bereke fest» республикалық акциясы өтіп жатыр. Бір айға созылатын шара 30 қазанға дейін жалғасады.

Облыстық кәсіпкерлік және өнеркәсіп басқармасының бөлім басшысы Ризабек Мұсағалиевтың айтуынша, бастаманың басты мақсаты — халыққа баға жүктемесін азайтып, отандық өнімдердің қолжетімділігін арттыру.

- «Бұл акция қазақстандық өндірушілерді қолдауға, ішкі нарықтағы отандық өнімдердің үлесін көбейтуге және экономикалық тұрақтылықты сақтауға бағытталған», — деді ол.

Қазіргі таңда жеңілдікпен сауда жүргізу 60-тан астам сауда нүктесінде ұйымдастырылған. Арзандатылған өнімдер «Ярмарка», «Анвар», «Ideal», «Marco» секілді ірі супермаркеттерде арнайы безендірілген сөрелерге қойылған.

Акция аясында әлеуметтік маңызы бар азық-түлік түрлері 15%-ға дейін төмен бағамен ұсынылуда.

Бүгін, 16:55