23 мың әйел ІТ мамандықтарды игерді

«IT-Aiel» жобасымен 23 мыңнан астам әйел цифрлық мамандықтарды игерді. Олар қаржылық, цифрлық сауаттылық, киберқауіпсіздік және кибербуллингтен қорғау бойынша тегін білім алды.

Қатысушылардың 70%-дан астамы 36 мен 45 жас аралығындағы әйелдер. "Осы жобасының арқасында көптеген әйел жұмысқа орналасып, өз ісін бастауға мүмкіндік алды», -дейді жоба жетекшілері. Олардың айтуынша, ақпараттық коммуникациялық технологиялар саласына қыздар көп келіп жатыр. Телекомда 46%, ақпараттық қауіпсіздікте 30%, зерттеушілердің 55% әйелдер.  Ал нәзік жандар құрған стартаптар 23%-ке жетті. Еске салайық, «IT-Aiel» жобасы 2023 жылдан бері жұмыс істейді. Бағдарлама арқылы қазақстандық қыз-келіншектер тегін білім алады. Оқу онлайн, барлығы 3 ай. Жүйеге жыл сайын жаңа мамандықтар қосылады.

Азиза Шөжеева, ҚР Президентінің жанындағы Әйелдер істері және отбасылық-демографиялық саясат жөніндегі ұлттық комиссияның мүшесі:

- 2025-те «Aqyl Tech» және «IT-Aiel» бағдарламалары үшін серпіліс жылы болды. Ел бойынша 11 мыңнан астам адам онлайн және оффлайн оқыды. Бұл бағдарламалар әйелдерді цифрлық дағдылар мен жасанды интеллект мамандықтары арқылы қолдаудың, оларды экономикаға қосудың құралы.

Надира Батырбаева, IT Aiel жобасының тренері: 

- Біз нейрожелілілер арқылы жұмыс істеп, табыс табуды үйреттік. Бұл жерде көп әйел нейрожелілерді бірінші рет меңгерді.  Мысалы, автоматтандыру ассистенті, промт инженер, видео жасаушы, киберқауіпсіздік туралы әртүрлі бағыттарда ақпарат бердік. Неге бұл мамандықтарды таңдадық? Себебі бұл мамандықтар программисттің білімінсіз жеңіл үйренуге болатын нейрожеліліер және мамандықтар болған соң.