Әділет партиясы: халықпен ашық диалогқа басымдық берді

«Әділет» партиясы Орталық саябақта халықпен бетпе-бет жүздесіп, қала тұрғындарының көкейкесті мәселелерін тыңдап, олардың ұсыныс-тілектерін назардан тыс қалдырмады, – деп хабарлайды Aikyn.kz.

Саяси партия өкілдеріне тікелей қоюға мүмкіндік алған қала тұрғындары бұл мүмкіндікті қалт жібермеді. Көшпелі шеруде белсенді атсалысқан «Әділет» партиясының Құрылтайға кандидаттары мен  «Жастар рухы» қанатының мүшелері үгіт-насихат жұмысын жүргізіп, партияның негізгі бағыты мен ұстанымын жан-жақты түсіндірді.

«Әділет» партиясы жанындағы Жастар қанатының Астана қалалық филиалының төрағасы Мағзұм Арсланбектің айтуынша,  жылжымалы штаб адам көп шоғырланған орынды мақсатты түрде таңдағанын жеткізді. 

– Бүгін орталық саябақта «бір жағадан бас, бір жеңнен қол шығарып», қала тұрғындарына өзіміздің сайлауалды бағдарламамызды түсіндіріп жатырмыз. Басты мақсатымыз – бағдарламамызды әрбір қала тұрғынына түсіндіру, әрбір тұрғынға жеткізу. Сондай-ақ, қала тұрғындары Құрылтайға үміткерлермен тікелей сөйлесіп, жақын танысса дейміз. Осы арқылы қала тұрғындары да өздерін алаңдатқан сұрағына қоя алауны да жақсы мүмкіндік. Оның үстіне, тұрғындармен сұхбаттасып, айтылған ой-пікірлерін зімізге түртіп алдық. Ертең партия басшылығымен бірге сол тиімді идеяларды талқылаймыз, –  деді Мағзұм Арсланбек.

Оның айтуынша, қала аумағында осындай бастамалар көп ұйымдастырылып жатыр. Әсіресе, басымдық қоғамдық орындарда, саябақтарда және үлкен сауда орталықтарына беріліп, халықпен бірге етене араласып, олардың ой-пікірін алмаса алатынын айтты.

Ал Құрылтай депутаттығына үміткер Айсұлу Сүлейменова мұндай шараның халықпен жүзбе-жүз кездесіп, тікелей тілдесіп, олардың ой-пікірін білу –  партия өкілдерінің басты мақсаты екенін тілге тиек етті. 

«Елге қызмет ету бәріміздің борышымыз, сол үшін де халықты сайлауға белсене қатысуға үгіттеп жүрміз. Өзім IТ саласының маманымын, сол себепті цифрландыру мәселесін көтеремін. Мысалы, өзін цифрлық деп атаған партияның сайлауалды бағдарламасында кем дегенде 5 миллион қазақстандықты жасанды интеллектпен жұмыс істеуге үйретуді, deeptech саласында 100 мың маман даярлауға, ЖИ-университетті дамыту және жаңа технологияларды мемлекеттік басқаруға, медицинаға, ауыл шаруашылығына әрі басқа да салаларға енгізу бастамалары бар. Екіншіден – мүмкіндігі шектеулі жан болғандықтан, мұндай азаматтардың өмір сүру сапасын арттыру, олардың кедергісіз сапалы білім алуына, баспаналы болуына және жұмысқа орналасуына жағдай жасау сияқты өзекті мәселелерді көтеремін», – деді Сүлейменова.

Қала тұрғыны Жанар Анарқызы елдегі барлық саяси өзгерістерге белсенді түрде қатысып келе жатқанын айтты. 

«Міндетті түрде Құрылтай сайлауына қатысамын. Отбасымызбен мұндай іс-шаралардан қалмаймыз. Өзім астаналық емеспін, балаларыма Жетісайдан келіп отырмын. Десе де, өз өңірімде мұндай саяси өзгерістер кезінде белсендіміз», - деді ол.

«Әділет» партиясының жылжымалы шеруіне цифрлық партия өкілі робот та қатысты. Қала тұрғындары онымен суретке түсіп, қызығушылығын жасырмады.