Алматы облысында Ан 2 ұшағы апатты жағдайда қонды

АСТАНА, 20 мамыр – Sputnik. Алматы облысында Ан-2 ұшағы апатты жағдайда қонды, деп хабарлайды Sputnik Қазақстан.

Оқиға Еңбекшіқазақ ауданындағы Талдыбұлақ – Қаракемер аумағында болған. Желіде тауға қонғаннан кейін зақымданған Ан-2 ұшағының видеосы тарады. Видеодан ұшақтың тау баурайындағы ағаштар мен бұталардың арасына қонғанын көруге болады.

Көлік министрлігі авиациялық оқиға болғанын растады. Ешкім зардап шеккен жоқ.

Министрлік оқиғаның мән-жайын анықтау үшін оқиға орнына департамент қызметкері жіберілгенін мәлімдеді.