Алматыда аптап ыстыққа байланысты жәрмеңкелерде ет сатуға шектеу қойылады

Фото: istockphoto.com

Қала әкімдігінің хабарлауынша, Алматыда толық тыйым салынбайды, алайда сатылым көлемі қысқартылады.

Тез бұзылатын өнімдер негізінен таңертеңнен түске дейін сатылатын болады.

Мемлекеттік орган өкілдері ет және басқа да тез бұзылатын өнімдерді тек арнайы тоңазытқыш болған жағдайда және сақтау температурасы сақталған кезде ғана сатуға рұқсат етілетінін атап өтті:

Салқындатылған ет, құс еті, сүт өнімдері, балық және шұжықтар: витриналарда +2…+8 °C температурада сақталуы тиіс. Мұздатылған өнімдер: мұздатқыштарда -18…-20 °C температурада сақталуы керек.

Сауда орнындағы өнім қоры тоңазытқыш жабдықтарының сыйымдылығынан аспауы тиіс.