Алматыда хостелдерді жаппай тексерістен соң мыңнан астам заң бұзу дерегі анықталды

Алматы полиция департаментінің мәліметінше, 10-20 сәуір аралығында 158 хостел және 169 орналастыру нысаны тексеріліп, 149 шетел азаматы бақылаудан өтті. Нәтижесінде 1 087 әкімшілік құқық бұзушылық анықталды.

Оның ішінде 648 – көші-қон заңнамасын бұзу дерегі, 121 – шетел азаматтарының болу ережесін бұзу, 169 – қоғамдық орында алкоголь ішу, 139 – қоғамдық тәртіпті бұзу, 62 – кәмелетке толмағандардың түнгі уақытта заңсыз жүруі, 10 – есірткі тұтыну фактісі тіркелді. Сонымен қатар сот шешімімен 4 шетел азаматы ел аумағынан шығарылды.

Полиция мұндай рейдтер қоғамдық тәртіпті сақтау мақсатында тұрақты түрде жалғасатынын мәлімдеді.

Еске салайық, бұған дейін Алматыда көші-қон заңнамасын бұзған 132 шетелдік ел аумағынан шығарылғанын хабарлағанбыз.