Алматыда жекеменшік мектептердің мәселелері талқыланды

Алматы қаласында жекеменшік білім беру ұйымдарының өкілдері саладағы ағымдағы жағдайына арналған баспасөз мәслихатын өткізді, деп жазады Egemen.kz.

Іс-шарада жекеменшік мектептер орналасқан ғимараттардың мақсатты тағайындамасына қойылатын талаптарға байланысты әкімшілік кедергілер, сондай-ақ жан басына шаққандағы қаржыландыру қағидаларына енгізілген өзгерістер, оның ішінде бюджет қаражатының уақытылы жеткізілмеуі және бақылаудың ашық түрде болмауына қатысты мәселелер талқыланды. 

Баспасөз мәслихатына қатысушылар жекеменшік мектептердің қызметі лицензияланатын білім беру қызметі түрлеріне жататынын және олар  заңнамасының талаптарын қатаң сақтай отырып жұмыс істейтінін атап өтті.

Баспасөз мәслихатын Алматы қаласы Азаматтық альянсының төрағасы, Алматы қаласы Қоғамдық кеңесінің мүшесі Қайыржан Әбдіхалықов жүргізді. Оның барысында  жекеменшік мектептің жетекшісі және құрылтайшысы Алина Мурзаева, Insight School алғашқы тәуелсіз инклюзивті мектебінің тең құрылтайшысы Салтанат Мурзалинова-Яковлева, Алматы облысы «ДАНА» мектебінің құрылтайшысы Рената Төлегенова барлық рұқсат беру құжаттары тек көшпелі тексерулердің нәтижесі бойынша берілетінін, бұл тексерулер барысында ғимараттардың санитариялық, өртке қарсы, қала құрылысы және өзге де міндетті талаптарға сәйкестігі, соның ішінде жоспарлануы, үй-жайлардың ауданы, қабаттылығы және материалдық-техникалық жабдықталуы бағаланатынын ерекше атап өтті.

Өткен жылы 162 мектеп салынды

Алматы қаласының жекеменшік мектептері бекітілген кестеге сәйкес мемлекеттік аттестаттаудан, санитариялық-эпидемиологиялық қызметтің жоспарлы тексерулерінен, прокуратура органдарының жоспардан тыс тексерулерінен, сондай-ақ Қаржы орталығы тарапынан мониторингтен өткені атап өтілді. Жиын қатысушылар сондай-ақ жекеменшік мектеп өкілдері мектеп орналасқан ғимараттың нысаналы мақсаты ресми сипатқа ие екенін және білім беру қызметіне рұқсат берудің шешуші факторы болып табылмайтынын айтты. Олардың пікірінше, негізгі өлшем — объектінің барлық белгіленген нормативтерге нақты сәйкестігі және бұл сәйкестіктің уәкілетті мемлекеттік органдармен расталуы. Сондай-ақ Алматы қаласында егжей-тегжейлі жоспарлау жоспарын (ПДП) өзгертуге қолданыстағы мораторий жағдайында ғимараттардың нысаналы мақсатын өзгерту рәсімі іс жүзінде мүмкін еместігін атап өтті. Қатысушылардың айтуынша, бұл бұрын барлық қажетті рұқсат құжаттарын алып, құқықтық алаңда білім беру қызметін жүзеге асырып келе жатқан жекеменшік мектептердің жұмыс істеуіне елеулі әкімшілік кедергілер туғызады.

Осыған байланысты нысаналы мақсатқа қойылатын талапты тек жаңадан құрылатын білім беру ұйымдарына қатысты қолдану және белгіленген тәртіппен лицензиялаудан, аттестаттауда және тексерулерден өткен қолданыстағы жекеменшік мектептерге таратпау мүмкіндігін қарастыру ұсынылды. Спикерлердің айтуынша, мұндай тәсіл білім беру үрдісінің сапасы мен қауіпсіздігін бақылауды төмендетпей, қала құрылысы талаптары мен жекеменшік мектептердің нақты жұмыс жағдайлары арасындағы теңгерімді сақтауға мүмкіндік береді.

9 жылда 138 жаңа мектеп: Астананың білім кеңістігі қалай өзгереді?

Баспасөз мәслихатында жекеменшік мектептерді қаржыландыру мәселелеріне ерекше назар аударылып, жан басына шаққандағы қаржыландыру қағидаларына енгізілген өзгерістердің салдарына да жеке тоқталды. Қатысушылар, қалыптасқан жағдайда қаржылық ағындардың ашық еместігін, қаражаттың негізгі алушыларға жету мерзімдерінің ұзарғанын және жедел бақылау жоқтығын көрсететінін атап өтті.

Жиын қорытындысында жекеменшік білім беру секторының өкілдері  Үкіметтің, қалалар мен өңірлердің әкімдіктерінің, уәкілетті мемлекеттік органдардың және жекеменшік білім беру ұйымдарының өкілдері қатысатын тұрақты ведомствоаралық жұмыс тобын құруды ұсынды. Жекеменшік білім беру ұйымдарының мұндай топтың жұмысына белсенді қатысуға дайын екені, жүйелі шешімдер әзірлеу, әкімшілік кедергілерді жою, қаржыландыру ашықтығын арттыру, жекеменшік мектептердің білім беруінің орнықты дамуын қамтамасыз ету, сондай-ақ балалардың қолжетімді, сапалы орта білім алуға конституциялық құқығын қорғау және іске асыру мүмкіндігі айтылды.

Енді мектеп директорлары екі оқу жылына тағайындалуы мүмкін

АЛМАТЫ

Соңғы жаңалықтар

Футзалдан Қазақстан құрамасына жаңа бас бапкер келді

Спорт • Бүгін, 20:18

Қазақстан телеарналары қысқы Олимпиада ойындарын тікелей эфирде көрсетеді

Спорт • Бүгін, 19:57

Алматыда Пушкин көшесінің бір бөлігі жүргіншілер бульварына айналды

Алматы • Бүгін, 19:40

Бізде қателесуге жол жоқ: Энергетика министрі Алматыдағы ЖЭО-3 жаңғырту қарқынын сынға алды

Энергетика • Бүгін, 19:18

Үкімет жеке медициналық ұйымдарды қаржыландыруда көптеген заңбұзушылықтарды анықтады

Үкімет • Бүгін, 18:50

Банктер және банк қызметі туралы жаңа заңда қандай мәселелер қамтылған?

Заң • Бүгін, 18:32

Қазақ − қырғыз шекарасындағы өткізу пункті тәулік бойы жұмыс істеуі мүмкін

Қоғам • Бүгін, 18:12

Елімізде дәрі-дәрмек бағасы қалай реттеліп жатыр?

Медицина • Бүгін, 18:07

Әскери спортшы Азия чемпионатында топ жарды

Спорт • Бүгін, 18:03

Қайрат Сәтжанов жаңа қызметке тағайындалды

Бокс • Бүгін, 18:00

Павлодарда шетел азаматы бүйрегін 50 мың долларға сатпақ болған

Оқиға • Бүгін, 17:50

Қызылордада алкоголь сатылмайтын ауылдар көбейді

Аймақтар • Бүгін, 17:45

Жеке үйлердегі өрт: Қауіп қайдан төнеді?

Қоғам • Бүгін, 17:38

Былтыр қанша медицина қызметкері біліктілігін арттырды?

Медицина • Бүгін, 17:36

Ақтүтек боран, саршұнақ аяз: Демалыс күндері елімізде ауа райы қандай болады?

Ауа райы • Бүгін, 17:25

Барлық жаңалықтар