AMANAT партиясы Павлодар облыстық филиалының жаңа төрағасы сайланды

Бүгін «AMANAT» партиясы Павлодар облыстық филиалының кезектен тыс XLIII конференциясы өтті. Іс-шара барысында ашық дауыс беру арқылы филиалдың жаңа төрағасы қызметіне Асылбек Туғанбайұлы сайланды,  - деп хабарлайды Aikyn.kz. 

Конференция жұмысына «AMANAT» партиясының Хатшысы Ержан Жылқыбаев, өңірлік филиал мүшелері, партияның аумақтық филиалдарының төрағалары мен атқарушы хатшылары, мәслихат депутаттары, бастауыш партия ұйымдарының белсенділері, сондай-ақ «Жастар Рухы» жастар қанатының өкілдері қатысты. 

Күн тәртібіндегі басты мәселе – жаңа төрағаны сайлау. Конференция делегаттары Павлодар облыстық мәслихатының депутаты Асылбек Туғанбайұлының кандидатурасын бірауыздан қолдады. «AMANAT» партиясының Хатшысы Ержан Жылқыбаев оған жаңа қызметінде табыс тілеп, мол тәжірибесі мен өңірдің тыныс-тіршілігін жіті білуі партия жұмысына сенімді серпін беретініне сенім білдірді. 

«AMANAT» партиясының басты мақсаты – халықтың әл-ауқатын арттыру, әділетті қоғам орнату және азаматтардың құқығын қорғау. Партия заман талабына сай өзгеріп, қоғамның сұранысына жауап бере алуы, Мемлекет басшысының саясатын жүзеге асыруда қоғамның сенімді тірегі болуы керек. Партияның XXII Съезінде Президент Қасым-Жомарт Тоқаев «AMANAT» – озық ой мен әділдіктің, бірлік пен алға ілгерілеудің партиясы, халықтың пікірі мен ел мүддесін ескеретін азаматтарымыздың игілігі жолында қызмет ететін негізгі ұйым екенін атап өтті. Мемлекет басшысының сенімі бізге ерекше жауапкершілік жүктейді. Біздің міндетіміз – Президент реформаларын жергілікті жерлерде сапалы жүзеге асыру және ел мүддесі мен қазақстандықтардың әл-ауқатын арттыру жолында еңбек ету», – деді ол. 

Ол бүгінде облыстық филиал алдында бірқатар маңызды міндет тұрғанын атап өтті. Соның ішінде, партияның аумақтық филиалдарының жұмысын жандандыру, өңірлік сайлауалды бағдарламаны жүйелі жүзеге асыру, азаматтармен кері байланыс орнату сапасын арттыру, партиялық жобаларды жүзеге асыру жұмысын күшейту, мәслихат депутаттары атқаратын жұмыстың тиімділігін арттыру және өзге де маңызды қадамдар бар. Сонымен қатар Ержан Жылқыбаев партияның Павлодар облыстық филиалының атқарушы хатшысы лауазымына жаңадан тағайындалған Николай Дычконы партия активіне таныстырды. 

Конференция барысында бұған дейін филиал төрағасы қызметін атқарған Павлодар облыстық мәслихатының төрағасы Илья Теренченко өңірлік сайлауалды бағдарлама аясында атқарылған жұмыс туралы баяндады.

Мәселен, кейінгі үш жылда Павлодар облысында 8 мектеп салынды, 100-ден астам білім беру, мәдениет және денсаулық сақтау нысандарында күрделі жөндеу жүргізілді, 960 шақырымға жуық жол жөнделді және қайта жаңартылды, 27 елді мекен орталықтандырылған су жүйесімен қамтылды, жылу энергетикасына 163 млрд теңгеден астам қаржы құйылды, 87 бірлік желілік жабдық жөнделді, 185 шақырымнан астам жылу желісі жаңғыртылды және тағы да басқа жұмыс жүргізілді.

 «Осы уақыт аралығында біз маңызды кезеңдерді өткердік. Атап айтқанда, республикалық деңгейдегі екі референдум өткізілді. Сондай-ақ Мәжіліс және барлық деңгейдегі мәслихаттар депутаттары сайланды. 2021 жылдан бері ауылдық округ әкімдерін сайлау жұмысы жүйелі түрде өткізіліп келеді.

Бұл – жергілікті жерлерде демократия қағидаттарын нығайту бағытында жасалған нақты қадам. Бүгінде 150-ден астам әкім сайланып, олар «Әкімдер мектебі» жобасы аясында білім алды. Біз үш аудан әкімін пилоттық сайлау жұмысына қатыстық. Осылайша, өңірде азаматтар сайлаған үш әкім ел бүгінде Павлодар облысында партия қатарында 47 мыңнан астам адам бар, 215 бастауыш партия ұйымы жұмыс істейді. игілігі жолында еңбек етуде», – деді Илья Теренченко.