Ақша тек шотқа аударылады Қазақстанда ЖКО дан кейінгі сақтандыру төлемдері өзгереді

Қазақстанда сақтандыру төлемдерін төлеу тәртібі өзгереді, деп хабарлайды Tengri Auto ҚНРДА-ға сілтеме жасап.

Міндетті сақтандыру бойынша төлемдер тікелей жүргізушілердің банктік шоттарына аударылады. Айта кетерлігі, аударымдар үшін комиссияны сақтандыру компаниялары өз мойнына алуы тиіс.

"Бұл реформалар сақтандыру төлемдерінің ашықтығын арттыруға, тұтынушылардың құқықтарын қорғауға және Қазақстанның сақтандыру нарығындағы цифрлық сервистерді одан әрі дамытуға бағытталған", - деп атап өтті агенттік.

Жаңашылдықтың енгізілу себебі - қолма-қол ақшасыз есеп айырысу әдісі залалдарды реттеудің ашық емес схемаларын болдырмауға мүмкіндік береді және қаражаттың тікелей зардап шеккен тұлғаға түсуіне кепілдік береді.

Өзгерістер 2026 жылғы 21 қазаннан бастап күшіне енеді.

Қазіргі уақытта сақтандыру төлемдері екі жолмен жүзеге асырылады: зардап шегушінің банктік шотына аудару арқылы немесе баламалы нұсқа ретінде, клиенттің өтініші бойынша сақтандыру компаниясының кассасында қолма-қол ақшамен беріледі.

Тағы оқыңыз: Қазақстанда ЖКО-дан кейін сақтандыру компаниясы төлемесе не істеп, қайда жүгіну керек: нұсқаулық

Google News арқылы жаңалықтарымызды қадағалаңыз