Ақтауда оқушылар робототехниканы балабақша тәрбиеленушілеріне үйретіп жүр

Ақтауда оқушылар робототехниканы балабақша тәрбиеленушілеріне үйретіп жүр. 10-шы сынып оқушылары осы бағытта бірегей бағдарлама да әзірлеген. Инновациялық жоба «Келешек мектептері» ұлттық жобасы аясында салынған білім беру мекемелеріне енгізіліпті. Сонымен бірге жас өнертапқыштар виртуалды музей жасап шығарды. Бұл жоба да мектеп бағдарламасында қолданыла бастады.

10-шы сынып оқушылары осы бағытта бірегей бағдарлама да әзірлеген. Инновациялық жоба «Келешек мектептері» ұлттық жобасы аясында салынған білім беру мекемелеріне енгізіліпті. Сонымен бірге жас өнертапқыштар виртуалды музей жасап шығарды. Бұл жоба да мектеп бағдарламасында қолданыла бастады.

Стартап жоба Қазақстан тарихы пәніне арналған. Бұл өңірдің виртуалды мұражайы. VR-көзілдірікті киген адам 3D-кеңістікке еніп, көне дәуірдің тұрмысы мен мәдениетін көре алады.

Ал AR-карточкалар арқылы қажетті ақпаратты тез алуға болады. Оған телефон немесе планшет камерасын жақындату жеткілікті. Сол сәтте бейнелер жанданып, тарихи тұлғалар, көне заттар мен оқиғалар виртуалды кеңістікте көрініс табады. Бұл технология оқушылардың тарихты түсінікті әрі әсерлі етіп, балалардың өткенге деген қызығушылығын арттырады.

Бекжан Аманжол, оқушы:

-  Яғни оның 3Д моделі көрсетіледі. Өзінің керекті мәліметтері бар. Өзінің керекті мәліметтері. Оқушыға осы тарихты қызықты әрі түсінікті етеді. Біз осы арқылы тарихты жастар арасында кең таратқымыз келеді. Өйткені тарих біз үшін маңызды.

Талантты шәкірттердің тағы бір тобы бүлдіршіндердің робототехниканың қыр-сырын меңгеруіне атсалысып жүр. Бұл бағдарлама робот құрастыруды ойын форматында үйретеді, командалық жұмысқа баулиды. Қазір жоба екі балабақшаға, бір жеке мектепке және «Келешек мектептері» бойынша салынған білім ордасына енгізілді.

Батырхан Амантай, оқушы:

- Қазіргі кезде жеке меншік мектептерге, жекеменшік балабақшаларға және де мемлекеттік балабақшаларға кіріп робототехника үйірмесін, әртүрлі инструменттерін беріп балаларды оқытудамыз. Робототехника ол баланың ұсақ моторикасын дамытады.Қазіргі кезде үлкен проблема баланың тілінің ашылмауы. Робототехника арқылы олар командамен жұмыс жасап,мұғалімдерімен сөйлесіп, рботтарды құрастырып өзінің тілін ашады.

Бекарыс Серікқали, мектеп директоры:

- Бұл проектінің бізге берген пайдасы қазіргі таңда сол бағытта жұмыс жасап жүрген республикалық, халықаралық деңгейдерезультат көрсеткен 10-11 сынып оқушылары бар. Осы оқушылар, өздері алған тәжірибелерін практикасын 32-ші мектептің балаларын дайындап жатыр. (скл) Қызығушылық танытқан оқушылардың барлығын біз үйірмелерге шақырып қабылдап жатырмыз.

Жаңашыл оқушылар өңірлік байқауларда жеңімпаз атанып, грант ұтып алды. Қазір Ақтаулық өнертапқыштар тағы 50-ге жуық стартап жоба әзірлеп жатыр. Көбі жасанды интеллектке негізделіп, өңірдің IT-саласын дамытуға бағытталған.

Авторлары: Рүстем Қайратұлы, Тамара Степанова, Саламат Бекбаев