Астанада Ардагер өсиеті марафоны қорытындыланды

Астанада Ұлы Жеңістің 80 жылдығына орай ұйымдастырылған «Ардагер өсиеті» республикалық жастар марафонының жабылу салтанаты өтті.

Тағылымды іс-шара Кеңес Одағының батыры, жазушы Бауыржан Момышұлының 115 жылдығына арналды. Ерекше марафон 25 маусым мен 24 қыркүйек аралығында өтіп, еліміздің барлық өңірін қамтыды. Төрт ай бойы соғыс ардагерлерінің өсиет-хаттары жинақталды. Бастаманың мақсаты – ұрпақтар сабақтастығын нығайтып, тарихи құндылықтарды насихаттау. Марафон қорытындысы бойынша ардагерлермен түскен естелік фотосуреттер мен бар ақпарат «Батырларға тағзым» порталына жүктеліп, өсиет хат Әскери-тарихи музей қорына табысталды.

Мансия Есекеева, ҚР Мәдениет және ақпарат министрлігі Жастар және отбасы істері комитетінің басқарма басшысы:   

- Бұл орталыққа әрдайым жастар, жасөспірімдер келіп отырады. Әрбір оқыған сайын ардагерлердің өсиетін бойына сіңіреді деген ойдамыз. Бүгін Бауыржан Момышұлының туған күні. Осы күнге арнайы жастар арасында дәріс өтіп жатыр. Сонымен қатар 22 желтоқсаннан бастап министрліктің бастамасымен, жастардың бастамасымен «Мейірімді Қазақстан» акциясы бастау алған болатын. Бүгінгі күн арнайы Ұлы Отан соғысы ардагерлерін, тыл ардагерлерін құрметтеуге арналған күн болып есептеледі.