Астанада цифрландырудың мемлекеттік сатып алуларға қалай әсер ететіні талқыланады

АЛМАТЫ, 8 мамыр — Sputnik. Астанада өтетін форумда цифрландырудың Еуразиялық экономикалық одақ (ЕАЭО) елдеріндегі мемлекеттік сатып алуларға қалай әсер ететіні талқыланады. Бұл туралы ЕЭК-тің бәсекелестік және монополияға қарсы реттеу министрі Максим Ермолович мәлімдеді.

Оның айтуынша, сатып алу жүйесіндегі барлық көрсеткіш ұлттық деңгейде де, ЕАЭО аясында да цифрландырумен байланысты болады.

"Қазақстан премьер-министрі Олжас Бектенов мемлекеттік сатып алуларда цифрлық құралдардың мүмкіндігін кеңінен қолдану қажеттігін атап өтті. Сатып алу үдерістерінің цифрлану деңгейін, олардың елдеріміз арасындағы үйлесімділігін және әрі қарай даму бағытын талқылауды ұсынамыз", — деді Максим Ермолович.

Еуразиялық экономикалық одақ форумы 28 мамырда Астана қаласында өтеді.