Астанада Масленица мерекеленіп жатыр

АСТАНА, 22 ақпан – Sputnik. Астанада Масленица мерекеленіп жатыр. Свято-Успенский соборының аумағында халықтық серуен өтіп жатыр: жиналғандар құймақтан дәм татып, ойындар мен байқауларға қатысып, театрлық қойылымдарды тамашалады.

Ресей және Беларусьтың Қазақстандағы елшілері қазақстандықтарды Масленица мерекесімен құттықтады.

Ресей елшісі Алексей Бородавкин баршаға денсаулық, бақыт және аманшылық тіледі.

© Sputnik / Санат ИмангалиевРесей және Беларусьтың Қазақстандағы елшілері қазақстандықтарды Масленица мерекесімен құттықтады.

Ресей және Беларусьтың Қазақстандағы елшілері қазақстандықтарды Масленица мерекесімен құттықтады.

© Sputnik / Санат Имангалиев

Беларусь елшісі Алексей Богданов атап өткендей, 2026 жылы әртүрлі дін өкілдері оразаны бір уақытта ұстап отыр:

"Қасиетті Рамазан айы, православиелік Ұлы ораза және католик оразасы қатар келді. Біз де, сіздер де көпұлтты және көпдінді елде жанымызды тазартып, өзімізді ретке келтіруге тырысамыз".

2026 жылы Масленица мерекесі 16-22 ақпан аралығында өтіп жатыр. Масленица мерекесінің алғашқы үш күнінде дайындық жасалады. Ал соңғы төрт күн халықтық серуенге, ойын-сауыққа арналады.