Атырауда зооқорғаушылар акциясы өтті

Ретро-паркте жануарларды қорғаушылар даулы заңға енгізілетін түзетулерге қарсы акция өткізді.

Іс-шараға қала тұрғындары өздерінің үй жануарларын ертіп келіп, плакаттар мен ұрандар арқылы жануарларға ізгілікпен қарауды қолдады.

Акцияға қатысушылар «Атырау қатыгездікке қарсы» деп ұрандап, билікті қаңғыбас жануарлардың санын реттеуде ізгі тәсілдерден бас тартпауға шақырды.

Ұйымдастырушылардың айтуынша, ұсынылған түзетулер эвтаназия тәжірибесін кеңейтуі мүмкін. Олар мәселені жануарларды ұрықсыздандыру, вакциналау, тіркеу және оларға жауаптылықпен қамқорлық жасау шешу қажет деп санайды.

«Саналы жандар жануарларға қарсы жасалатын қатыгездікке қарсы. Жануарлар да тірі жандар, олар да өмір сүргісі келеді. Біз адамдар бұл жердің қожайыны емеспіз, кім өмір сүруі керек екенін шешуге құқығымыз жоқ», – деді акцияға қатысушылар.

Бұл тақырып ел көлемінде үлкен қоғамдық резонанс тудырды. 

Зооқорғау ұйымдары бұған дейін бірнеше рет қаңғыбас жануарлардың санын реттеуге қатысты өзгерістерге қарсы шыққан. Олар бұл түзетулер ұстау, стерилизациялау, вакцинациялау және жануарларды табиғи ортасына қайтару қағидатынан бас тартуға әкелуі мүмкін деп алаңдаушылық білдірген еді.

Атырауда өткен акция бейбіт жағдайда өтті. Ол үй жануарларының иелерін, еріктілерді және жанашыр қала тұрғындарының басын біріктірді. Қатысушылар төрт аяқты достарға ізгілікпен қарау идеясын алға тартты.

Анастасия ШЕРСТЯНКИНА

Әлеуметтік желіден алынған суреттер

Бүгін, 14:54