Байқоңырда Гагариннің ғарышқа ұшқанына 65 жыл: қандай шара өтеді

Байқоңыр қаласы әкімшілігінің басшысы Константин Бусыгин Sputnik Қазақстанға мерейтойға орай 40-тан астам іс-шара жоспарланғанын айтты. Бағдарлама барлық жастағы тұрғындарды — балалардан бастап жастарға дейін қамтиды.

Мерекелік шаралар Гагарин ескерткіші жанындағы митингіден басталады. Дәстүр бойынша оған қала тұрғындары, билік өкілдері, дін қызметкерлері және отбасылар қатысады. Шара барысында мектеп оқушыларының өнер көрсетулері, музыкалық нөмірлер және балалар жасаған зымыран макеттерін ұшыру ұйымдастырылады.

Бағдарламада:

600-ге жуық адамның қатысуымен марафон, қала алаңындағы және Мәдениет сарайындағы концерттер, Пасха концерті, жастар флешмобы «65 жыл — Поехали», көрмелер және Гагариннің ұшуын 3D-модельдеу.

Бусыгиннің айтуынша, соңғы жылдары Байқоңырға туристік қызығушылық айтарлықтай артқан. Әсіресе зымыран ұшырылымдары кезінде қала мүлде басқа өмірге еніп, барлық қонақүйлер мен мейрамханалар толып кетеді.

Қала әкімшілігі қазақстандық туроператорлармен белсенді жұмыс жүргізіп жатыр. Сонымен қатар, шетелдік туристер үшін рұқсат рәсімдеу мерзімін қысқарту жөнінде «Роскосмосқа» өтініш жасалған. Қазақстан мен Ресей азаматтары үшін бұл процедура әлдеқайда жеңілдетілген.

Бүгін, 13:03