​Беларусьтен шығатын көліктер кезегі алты есе артты

Литва билігінің Беларусьпен шекараны жабуы салдарынан Польшаға бағытталған «Брест» кеден бекетіндегі жеңіл автокөліктер кезегі алты есе көбейген. Бұл туралы Беларусь Мемлекеттік кеден комитетінің баспасөз қызметі хабарлады, деп жазады Коммерсантъ.

Апта бұрын кезекте орташа есеппен 300–400 автокөлік тұрған болса, бүгін бұл көрсеткіш 2500-ден асты.

«Беларусь–Литва шекарасы арқылы Еуроодаққа шыққан жүк көліктері де Польша мен Латвия бағыттарына ауыстырылды. Шекара жабылған алғашқы күндерде онда да кезектер артты», — деп мәлімдеді ГТК.

Қазір «Козловичи» кеден бекетінде Польшаға шығуды 2100 жүк көлігі күтіп тұрса, «Григоровщины» бекетінде Латвияға бағытталған жүк көліктері саны 520. Сонымен қатар, Беларусь литвалық жүк көліктеріне тек Беларусь–Литва шекарасы арқылы өтуге рұқсат бергеннен кейін, Польша мен Латвияға шығуды күтіп тұрған көліктер саны қайтадан «қалыпты деңгейге» жеткені айтылды.

Қазан айының соңында Литва билігі Беларусьпен шекарадағы соңғы екі кеден бекеті — Мядининкай және Шальчининкай бекеттерін жапқан. Бұл шешім 30 қарашаға дейін күшінде болады. Литвалық билік мұны Беларусьтен келген метеозондтар арқылы темекі контрабандасы қауіпіне байланысты деп түсіндірген. Дегенмен кейіннен кейбір категориядағы адамдарға, соның ішінде дипломаттарға және Калининградқа немесе Калининградтан транзитпен өтетін азаматтарға шекарадан өту рұқсат етілді.

Бүгін, 14:13