Бірнеше рет медициналық көмекке жүгінген: Шымкентте сарбаз қайтыс болды

АСТАНА, 7 қаңтар – Sputnik. Ұлттық ұлан әскерге шақырылған сарбаздың қалай қайтыс болғанын жариялады, деп хабарлайды Sputnik Қазақстан тілшісі.

Тараз тұрғыны Шымкент қаласындағы 6506 әскери бөлімде мерзімді әскери қызметін атқарып жүрген.

"Әскерге келген алғашқы күндерінен бастап бірнеше рет медициналық қызметкерлерге жүгінген. Есепте тұрған және Шымкент қаласының медициналық мекемелерінде тексеруден өткен. 6 қаңтарда мерзімді қызметтегі әскери қызметшінің жүрегі кенеттен тоқтады", - делінген ресми хабарламада.

Маманда реанимациялық іс-шаралар да жасаған. Бірақ сарбаз қалалық ауруханада көз жұмды. Алдын ала диагнозға сәйкес, сарбазда "жедел лейкоз" болған.

Қазіргі кезде әскери-тергеу басқармасы қылмыстық іс қозғады. Ұлттық ұланының қолбасшылығы мен жеке құрамы орны толмас қайғыға байланысты марқұмның туған-туыстары мен жақындарына көңіл айтып отыр.