Депозитте 25 трлн теңге жатыр: ақшаның ең көп бөлігі қай өңірде

АСТАНА, 10 тамыз – Sputnik. Биылғы алты айдың қорытындысы бойынша қазақстандықтардың банктердегі депозиттерінде жатқан қаражат көлемі 25 трлн теңгеге жетті, деп хабарлайды Sputnik Қазақстан Finprom.kz сайтына сілтеме жасап.

Қазіргі таңда барлық депозиттегі қаражаттың 84%-ы, яғни 21 трлн теңгесі ұлттық валютамен сақталған. Қалған бөлігі АҚШ долларындағы депозиттерге тиесілі.

Депозиттердегі қаражаттың басым бөлігі бірнеше өңірге тиесілі. Ең көп ақша мына өңірлерде жинақталған:

1.

Алматы – 9,6 трлн теңге;

2.

Астана – 3,2 трлн теңге;

3.

Қарағанды облысы – 1,4 трлн теңге;

4.

Батыс Қазақстан облысы – 1,2 трлн теңге;

5.

Шымкент – 1,1 трлн теңге.

Ал депозиттердегі қаражат көлемі ең аз өңірлер қатарында Жетісу облысы – 303,9 млрд теңге, Алматы облысы – 232,4 млрд теңге және Ұлытау облысы – 168,2 млрд теңге бар.

Айта кетері, 2025 жылдың қорытындысы бойынша Қазақстанның екінші деңгейлі банктеріндегі жеке тұлғалардың депозиттері 15%-ға өсіп, 28 трлн теңгеден асқан болатын.

Қазақстандықтар қаражатын сақтау және көбейту үшін депозиттермен қатар басқа да қаржы құралдарына назар аудара бастады.

Бүгінде елдің қаржы нарығында инвестициялаудың түрлі құралдары бар. Олардың қатарында:

банктердің депозиттік сертификаттары;

Ұлттық банк шығаратын өлшемді алтын құймалары;

пайлық инвестициялық қорлар;

өмірді сақтандыру өнімдері;

қор нарығының басқа да құралдары бар.