Депутаттар көлік иелеріне тұрақ орындарын жеңілдікпен беруді сұрады

АСТАНА, 19 қараша – Sputnik. "Ақжол" партиясының мәжілістегі фракциясы көлікпен жүретіндерге жеңілдікпен екі ақылы тұрақ беруді сұрады, деп хабарлайды Sputnik Қазақстан тілшісі.

Қазіргі кезде Астана мен Алматыда ақылы тұрақтар жүйесі кеңінен қолданылады.

"Бас кезінде ақылы тұрақтар қала орталығында көліктерді азайту үшін қолға алынған болатын. Бірақ қазіргі кезде ол жүйені тұрғын үйлердің маңайында кеңінен орната бастады. Адамдар көлікті өз үйінің жанында қойғаны үшін ақша төлеуге мәжбүр. Соның салдарынан мыңдаған қазақстандық қосымша шығын шығарып отыр", - дейді депутат Олжас Нұралдинов.

Осыған байланысты фракция депутаттары әрбір көлік иесі үшін екі тұрақ орнын жеңілдетілген тарифпен беру қажет деп санайды.

"Ондай орындар тәулік бойы тұрғылықты жері мен жұмыс орны жанынан берілуі керек", - деді депутат.

Оның айтуынша, бүгінде ақылы тас жолдармен жиі жүретін ауыл тұрғындарына жеңілдетілген тариф беріледі. Тура сондай әдіспен қаланың ішінде тұрақ орындарына да жеңілдік ұсынуға болады.