Электр тарифтері 2032 жылға дейін өзгеріссіз қала ма?

Энергетика министрлігі электр энергиясына шекті тарифтерді 2032 жылға дейін сақтауды көздейтін бұйрық жобасын көпшілік талқылауына жариялады.
Құжатқа сәйкес, 2026-2032 жылдардағы тарифтер 2025 жылғы деңгейде қалдырылады, ал жаңа кезең 2026 жылдың 1 қаңтарынан басталады.

Бұл шешім 8 қазанда Президент төрағалығымен өткен кеңестің қорытындысы бойынша қабылданған. Жиында макроэкономикалық теңгерімсіздіктер мен инфляциялық тәуекелдерді төмендету, сондай-ақ баға тұрақтылығын қамтамасыз ету тапсырылған еді.

Министрліктің мәліметінше, тарифтерді ұзақ мерзімге тұрақтандыру халық пен бизнес үшін болжамдылықты арттырып, инфляцияны тежеуге ықпал етеді.

Құжат 2025 жылдың 17 желтоқсанына дейін талқыланатын болады. Талқылаудан кейін жоба пысықталып, бекітуге ұсынылады.