Финляндияда мигрант әйелдер бала күтімі төлемінен қағылуы мүмкін

Елдің Әлеуметтік істер және денсаулық сақтау министрлігі заң жобасын әзірледі. Жобада сәйкес төлемдерді алу үшін елде кемінде үш жыл тұру мерзімін енгізу қарастырылған. Жаңа ережелер 2027 жылдың 1 қаңтарынан бастап күшіне енуі тиіс.

Аталған бастама бойынша төлем тек баланың негізгі күтіміне жауапты ата-ана немесе қамқоршыға ғана төленеді және ол 16 жасқа толғаннан кейін елде кемінде үш жыл тұрған болуы қажет. Өзгерістер заң күшіне енгеннен кейін елге келген адамдарға қатысты болады.

Осылайша Финляндия Үкіметі ата-аналарды қоғам өміріне белсенді қатыстыруға, жұмысқа шығуға ынталандыруды мақсат етіп, балалардың балабақшаға баруын қамтамасыз еткісі келеді. 

Бұл шаралар фин немесе швед тілін үйренуге және қоғам өміріне белсенді қатысуға ықпал етуі тиіс.

Статистикалық деректерге сәйкес, 2025 жылдың тамызында Финляндияда жұмыспен қамтылғандар азайып, жұмыссыздар көбейді.

Бұған дейін 2026 жылғы 8 қаңтардан бастап Финляндияда тұрақты тұруға рұқсат алу үшін талаптар күшейтілетіні белгілі болды.