Футбол алаңы алаңдатпауы тиіс

Ауыл-аймақтың бірін қалдырмай футбол алаңдарын ашу керек.

Президент бұл тапсырманы орындауға 2 жыл уақыт берген. Былтыр Бурабайда өткен құрылтайда Қасым-Жомарт Тоқаев елде футболды дамытуға баса мән беру керегін айтқан. Демеушілер қаржысы есебінен облыстық стадиондарды жаңғыртып немесе жаңасын салуды бақылауда ұстайтынын ескертті. Осылай ғана әлемге танымал әрі әлеуметтік, бұқаралық спорт саналатын ойынды жаңа деңгейге көтере аламыз деген еді. Тапсырма мерзімінің аяқталуына әлі 1 жыл бар. Бірақ оның орындалуы тексеріледі. 

Еркебұлан Жомарт, №8 балалар және жасөспірімдер спорт мектебінің басшысы:

- Екі жыл көлемінде бүкіл әкімдерге тапсырма берді. Аудан орталықтары, ауылдарда футбол алаңы болу керек деген. Бүгінгі таңда бұл толық жүзеге асып жатыр деп айтуға болады.