КҚК наурызда мұнай экспортын 55% ға арттыруы мүмкін

Каспий құбыр консорциумы (КҚК) наурыз айында мұнай экспортын айтарлықтай ұлғайтуды жоспарлап отыр.

Reuters агенттігі салалық дереккөздерге сүйене отырып хабарлағандай, айлық көлем тәулігіне 1,7 млн баррельге дейін жетуі ықтимал. Бұл көрсеткіш ақпан айындағы жаңартылған кестеде белгіленген 1,1 млн баррельден шамамен 55%-ға көп.

Бастапқыда ақпанға арналған жоспар да 1,7 млн баррель деңгейінде болған, алайда елдегі ең ірі кен орны — Теңіздегі өндіріс мәселелеріне байланысты төмендетілген.

Соңғы айларда КҚК жүйесі арқылы мұнай тасымалдау дрон шабуылдары, айлақтарды жөндеу, қолайсыз ауа райы және Теңіздегі өндірістің қысқаруы сияқты факторлардан күрделене түскен.

Дереккөздердің айтуынша, Теңіз кен орнындағы өндіріс біртіндеп қалпына келіп, келесі айда қалыпты деңгейге жетеді деп күтілуде. Осыған байланысты наурыздағы экспорт жоспары толық орындалуы мүмкін.

Бүгін, 15:13