Мемлекеттік шығындар цифрлық теңгемен қаржыландырылады

Енді мемлекеттік шығындар цифрлық теңгемен қаржыландырылады.

Бұл туралы бүгін Қазақстан Ұлттық банкi Төрағасының кеңесшісі Бинұр Жаленов мәлімдеді. Оның айтуынша, қазір премьер министрдің жетекшілігімен 100 жоба цифрлық теңге арқылы қаржыландырылып жатыр. Валютаның бұл түрі қаражаттың мақсатты жұмсалуын қадағалауға мүмкіндік береді. Себебі ол блокчейн технологиясына негізделген. Яғни теңгенің жүріп өткен жолын толық бақылауға болады.

Бинұр Жаленов, Қазақстан Ұлттық банкi Төрағасының кеңесшісі:

- Бастысы мемлекеттік базалардағы деректермен интеграция арқылы түрлі коррупциялық схемалардың алдын аламыз. Мемлекет басшысының шешімі бойынша, бұл мехнизм мемлекеттік шығындардың барлығына қолданылмақ. Оны қалай жүзеге асыратынымыз туралы нақты жоспарды келесі жылы сәуірде жариялаймыз. Жобаны толық жүзеге асыруға бірнеше жыл кетеді.