Мұздықтардың кемуі Алматыны баламалы су көздерін іздеуге итермелеуі мүмкін

Алматыны ұзақ мерзімде сумен қамтамасыз ету үшін баламалы көздерді қазірденқарастыру қажет. Мұндай пікірді Орталық Азия климаттық қорының (CACF) ғылыми консультанты, биология ғылымдарының докторы, Орталық Азия бойыншаКембридж форумының мүшесі Темур Юнусов білдірді. Бұл туралы Климаттың өзгеруі және жасыл энергетика бойынша Орталық Азияға арналған Жобалық офисі хабарлады.

Сарапшы Іле Алатауындағы мұздықтардың кемуі болашақта тау өзендерінің су көлемінеәсер етуі мүмкін екенін айтады. Оның пікірінше, қала бір ғана су көзіне тәуелді болмай, суды үнемдеу, тазарту және қайта пайдалану мүмкіндіктерін қатар дамытуы керек.

Ұсынылған материалда Алматы облысы мұздықтарының 44%-ынан айырылғаныкөрсетілген. Бұл дерек мұздықтарды зерттеу туралы жарияланған материалда⁠ да келтіріледі. Алайда мұздықтардың кемуін қаланың ауызсуы нақты қай жылы тапшыболады деген болжаммен теңестіруге болмайды: оған өзен ағыны, жерасты сулары, тұтынукөлемі және су жүйесінің жағдайы да әсер етеді.

Юнусовтың айтуынша, әр елді мекен үшін қолда бар су қорын және болашақ сұраныстыжеке есептеп, бірнеше шешімді бірге қолдану қажет.