Нидерланд патшайымы қарулы күштер қатарында қызмет атқармақ

Телеарнаның мәліметінше, король Виллем-Александрдың жұбайы әскери қызметті «толық емес форматта» өтейді. Ол алдымен теориялық және практикалық сабақтарды қамтитын әскери даярлық курсынан өтуді бастайды.

Сонымен қатар хабар таратушы резервистердің кәсіби әскери қызметкерлермен бірге түрлі міндеттерді орындауға тартылуы мүмкін екенін, оның ішінде табиғи апаттардың салдарын жоюға қатысатынын, ал ірі қақтығыс жағдайында «кәсіби әскери қызметшілерді уақытша алмастыра алатынын» еске салады.

Қорғаныс министрлігінде патшайымның бұл шешімі ең алдымен «символикалық мәнге ие» екенін атап өтіп, соның арқасында әскер қатарына қосылғысы келетін азаматтар саны артады деп үміттенеді. Ведомство өкілдері сондай-ақ тақ мұрагері, ханшайым Амалия әскери дайындықтан өте бастағаннан кейін де жаңа әскерге шақырылушылар санының артқаны байқалғанын еске салды.

RTL дерегінше, ел армиясына қосылу туралы шешім қабылдардан аз уақыт бұрын патшаймның қызы, тақ мұрагері ханшайым Амалияға капрал әскери атағы берілген салтанатты рәсімге қатысқан.

Ал 2025 жылғы 30 қыркүйекте NOS телеарнасы Амалияның корольдіктің қарулы күштері қатарына қызметке кіргенін хабарлаған. Оның резервистерді даярлау бағдарламасы бойынша оқуын бастағаны айтылған. Сондай-ақ тақ мұрагерінің Корольдік флотқа, Құрлық әскерлері мен Әуе күштеріне оқуға қабылданғаны, ең төменгі әскери атақтарды — тиісінше үшінші сыныпты матрос және үшінші сыныпты сарбаз атақтарын алғаны атап өтілген.

Айта кетейік, Норвегияда мұрагер ханшайымның ұлына қатысты сот процесі басталатынын жаздық.