Өңдеу өнеркәсібіндегі жоғары технологиялық өндірістердің үлесі 7% ға артты ҰТО сарапшылары

Зерттеу нәтижесіне сәйкес, Қазақстандағы өндіріс көлемі тұрақты өсіп келеді, импорттың өсу қарқыны баяулаған, ал өңдеу өнеркәсібінің құрылымы әртараптанып, технологиялық тұрғыдан жетілдірілуде. ҰТО-ның бағалауынша, кейінгі 5 жылда өңдеу өнеркәсібінің негізгі секторларындағы өндірістің орташа жылдық өсімі АҚШ доллары баламасында 11,2%-ды құраған. Ал 2025 жылы жылдық өсім қарқыны 12,1%-ға дейін жеделдеген. Сонымен қатар еліміздегі жоғары технологиялық өндірістердің үлесі 20,7%-дан 27,6%-ға дейін өсті.

Инвестициялық саясат жаңа технологияға бағдарлануы керек

Импорттың орташа жылдық өсімі 2021-2023 жылдардағы 23,9%-дан 2023-2025 жылдары 2,9%-ға дейін төмендеді. Талдау үшін машина жасау, металлургия, химия, жеңіл өнеркәсіп және басқа да салалар бойынша импортталатын 9 тауар тобы таңдалды, олар өңдеу өнеркәсібі өндірісінің шамамен 88%-ын қамтыды.

«Өңдеу өнеркәсібін дамыту – бұл өндіріс көлемінің артуы ғана емес, сонымен қатар экономиканың технологиялық деңгейі мен бәсекеге қабілеттілігін арттыру. Мемлекеттік саясат отандық өндірушілерді қолдауға, жаңа инвестициялық жобаларды іске асыруға, терең өңдеуді кеңейтуге және қосылған құны жоғары өнім шығаруға қолайлы жағдай жасауға бағытталған», – деді Өнеркәсіп және құрылыс вице-министрі Олжас Сапарбеков.

Дәріске қатысушылар өңдеу өнеркәсібінің дамуы ішкі өндірістік базаның кеңейгенін, импортқа тәуелділіктің азайғанын және Қазақстанның шикізаттық емес экспорттық әлеуетінің нығайып келе жатқанын атап өтті.

Өңдеу өнеркәсібінің өсу қарқыны 8,5%-ға дейін жеделдеді