Ормуз бұғазы жаһандық азық түлік дағдарысын тудыруы мүмкін БҰҰ

ФАО-да Ормуз бұғазындағы ұзаққа созылған тұрақсыздық әлемдік агроазық-түлік дағдарысына әкелуі мүмкін екенін мәлімдеді.

Ұйымның бағалауынша, осы стратегиялық бағыт арқылы ауыл шаруашылығы ресурстары экспортының 20%-дан 45%-ға дейінгі бөлігі өтеді. Сонымен қатар Парсы шығанағы өңірі тыңайтқыш жеткізуде маңызды рөл атқарады.

ФАО-ның бас экономисі Максимо Тореро азық-түлік бағасының күрт өсуі мен тапшылық қаупі туралы ескертті. Бұл әсіресе тыңайтқыштар мен энергия тасымалдаушылар импортына тәуелді ең кедей елдерге қатты әсер етуі мүмкін.

Оның айтуынша, жағдай ушыға түссе, салдары пандемия кезеңіндегі дағдарыспен тең болуы және Эль-Ниньо сияқты ауа-райы құбылысымен нашарлауы мүмкін екенін атап өтті.

Айта кетейік, Иран мен АҚШ Пәкістандағы келіссөздерде соғысты тоқтату туралы келісімге келе алмады.

АҚШ президент Дональд Трамп Иран порттарына теңіз блокадасын енгізді.  

Экваторлық Тынық мұхитындағы жерүсті суларының жылынуына әкеп соғатын Эль-Ниньо құбылысы 2026 жылдың соңына дейін дамуы мүмкін. Сарапшылар бүкіл әлемде су тасқыны, құрғақшылық және рекордтық жоғары температура болуы мүмкін екенін ескертеді.