Отандық өндірушілер бір цифрлық платформаға қосылды

Елде Мемлекет басшысының тапсырмасымен "Қазақстандық тауар өндірушілерінің тізілімі" цифрлық платформасы іске қосылды.

Ол e-ondiris.gov.kz сайтының пайдаланушыларына қолжетімді. Бизнес өкілдері жаңа жүйеде бүгіннен бастап өтініш қалдыра алады. Бұған дейін қазақстандық өндірушілер мәртебесін растаған 1800-ден астам индустриялық сертификаттардың иелері Тізілімге автоматты түрде ауыстырылды. Бұл компаниялар бір ай ішінде жүйеде қажетті мәліметтерді толықтырып, өтінімді ЭЦҚ арқылы растауы қажет. Бұгінде платформада мыңға жуық компания тіркелген. Сайт басқа мемлекеттік базалармен интеграцияланып, құжаттар санын қысқартуға және бизнеске түсетін әкімшілік жүктемені төмендетуге мүмкіндік береді. Сондай-ақ бұл қызмет мемлекеттік органдар тарапынан жеке аудиторлар мен сарапшылардың қатысуынсыз тегін көрсетіледі.