Қамшыбек Қоңқабаевтың Англиядағы жекпе жегі қай күні өтетіні айтылды

BoxRec жүйесінің мәліметіне сәйкес, қазақстандық ауыр салмақтағы боксшының алты раундқа жоспарланған жекпе-жегі 2026 жылғы 24 мамырда Англияның Фарнуорт (Болтон) қаласындағы The Hideout спорт аренасында өтеді.

Қарсыласы әзірге ресми түрде жарияланған жоқ.

Бұл Қоңқабаевтың ұзақ үзілістен кейінгі алғашқы жекпе-жегі болмақ. Оның кәсіпқой бокстағы соңғы айқасы 2022 жылғы 25 наурызда Алматыда өткен. Сол кездесуде ол өзбекстандық Фаррух Джураевты екінші раундта техникалық нокаутпен жеңген.

Қазіргі уақытта боксшы Лондонда оқу-жаттығу жиынын өткізіп, Leo’s Gym залында дайындалып жатыр.

Айта кетейік, Қамшыбек Қоңқабаев Токио-2020 Олимпиадасы ойындарының қола жүлдегері.

Сонымен қатар оның қоржынында әлем чемпионаттарының екі күміс медалі (2017, 2019) және Азия чемпионаттарының төрт күмісі (2017, 2019, 2021, 2022) бар.

Өткен жылы қаңтарда Қамшыбек Қоңқабаев кәсіби мансабын аяқтағаны хабарланған болатын.