Қазақ астығы үшін қандай жаңа нарықтар ашылды

- Өткен маркетинг жылында (2024 жылдың қыркүйегі мен 2025 жылдың тамыз аралығы) астық жүгін тасымалдау табысты болды. Атап атйқанда, өткен маркетинг жылында тасымал көлемі 13,3 млн тоннадан асып, 45 пайызға артты. Осы жылдың 9 айында 9,6 млн тонна астық тасымалданды. Өсім өткен жылдың 9 айымен салыстырғанда 40 пайызды құрады. Оның ішінде экспорт – 7,3 млн тонна, республика ішінде – 2,2 млн тонна, - деді вице-министр.

Оның айтуынша, астық экспортының негізгі бағыттарында оң қарқын байқалады. Мәселен, Қытай бағытында астық көлемінің төмендеуіне қарамастан азықтық ұн көлемі 2,2 млн тоннаға жетіп, 4,6 есеге ұлғайды. 

- Бұл өңдеушілер қосылған құны жоғары өнім шығаруды арттыра түскенін дәлелдейді. Сонымен қатар Орталық Азия елдеріне тасымал көлемінің 34 пайызға артқаны байқалады. Ақтау проты арқылы Иран бағытына да тасымал жанданып, 3,3 есе артты. Ауғанстанға 40 пайызға өсім көрсетті. Ресей аумағына және ол арқылы экспорт 4,2 есеге көбейді. Әзербайжанға да артты.

Балтық маңы елдері және порттары арқылы экспорт 14 есеге, Ресейдің Бадтық және Қара теңіз порттары арқылы 1,4 есеге ұлғайды. Африка бағытында– Марокко, Алжир, сонымен қатар Вьетнам мен ЕО елдеріне жаңа нарықтар ашылды. Осылайша, астық жүктерін тасымалдау, сондай-ақ элеваторларды жаңа астыққа босату тапсырмасын көлік саласы нарық қатысушылармен және мемекеттік органдармен орындады, - деді Жәнібек Тайжанов. 

Айта кетейік, елімізде 25,9 млн тонна астық бастырылды.